Беларуска 1,5 года збірала манеты ў бутэльку з-пад газіроўкі
У TikTok завірусілася відэа жыхаркі Бабруйска, якая на працягу паўтара года збірала манеты наміналам 1 і 2 рублі ў бутэльку з-пад колы.
Вынік эксперыменту здзівіў не толькі яе падпісчыкаў, але і саму дзяўчыну. Расказваем, колькі ёй удалося назбіраць за гэты час, піша Onliner.by.
Гісторыя падзелена на два ролікі, якія разам сабралі больш за 720 тысяч праглядаў і сотні каментарыяў.
Паводле слоў дзяўчыны, строгага плана ў яе не было: манеты кідалі ў бутэльку «калі былі». На падлік пайшло нямала часу: каб не заблытацца, яна раскладвала манеты стосікамі па 10 рублёў.
У выніку ў бутэльцы аказалася 1566 рублёў. Усе манеты бабруйчанка пасля абмяняла на купюры ў крамах.