У Магілёве затрымалі п'янага кіроўцу маршруткі
Супрацоўнікі ДАІ ў Магілёве затрымалі 47‑гадовага кіроўцу маршрутнага таксі, які ехаў у стане алкагольнага ап’янення. Яго фізічны стан выклікаў падазрэнне падчас праверкі дакументаў, а медыцынскае абследаванне пацвердзіла наяўнасць алкаголю ў крыві.
Фота ілюстрацыйнае
На кіроўцу складзены пратакол за кіраванне транспартам у п’яным выглядзе: яму давядзецца заплаціць штраф 4200 рублёў, таксама ён на тры гады пазбаўлены правоў. Мікравтобус дастаўлены на ахоўную стаянку.
Акрамя таго, пакараная асобa, адказная за допуск п’янага кіроўцы да рэйсу — яму далі штраф памерам у 336 рублёў.
У Беларусі акурат цяпер праводзіцца комплекс мерапрыемстваў па павышэнні бяспекі перавозак у міжгародніх і прыгарадных маршрутках, а нарады ДПС кантралююць выкананне Правіл дарожнага руху і правільнасць перавозкі пасажыраў. Гэта звязана са страшнай аварыяй пад Светлагорскам 10 кастрычніка, у якой загінулі 6 чалавек.
Чытайце таксама:
ДАІ ўводзіць узмоцнены кантроль па ўсёй краіне — пасля страшнай аварыі пад Светлагорскам