У Віцебску ладзяць экскурсіі ў прапагандысцкі цэнтр расійскага мілітарызму ФОТАФАКТ

Прадпрыемства «Віцебскаблаўтатранс» ладзіць экскурсійныя паездкі ў Цэнтральны вайскова-патрыятычны парк культуры і адпачынку Узброеных сіл Расіі «Патрыёт». 

Як вынікае з абвесткі, фота якой з'явілася ў інтэрнэце, паездка каштуе 180 рублёў. У яе ўваходзіць паездка ў два бакі «на камфартабельным аўтобусе» і суправаджэнне паездкі. Выязджаць з Віцебска трэба а 5‑й раніцы.

У самім парку віцяблянам прапануюць экскурсію па галоўнаму храму УС РФ, які знаходзіцца ў гэтым парку, а таксама аглядную экскурсію па танкавым музеі.

Парк «Патрыёт» быў адкрыты ў 2014 годзе каля падмаскоўнага горада Кубінка. Зусім недалёка ад яго праходзіць траса з Мінска на Маскву. Гэтаму парку адводзіцца важнае месца ў расійскай мілітарысцкай прапагандзе, ён сярод іншага занесены ў санкцыйныя спісы розных краін.

Каментары да артыкула