Трое загінулых і амаль тры дзясяткі пацярпелых у Кіеве пасля расійскай атакі
Сярод 29 пацярпелых сямёра дзяцей.
Ратавальнікі ліквідуюць наступствы атакі дронамі ў Дзяснянскім раёне, дзе здарыліся пажары. На адной з лакацый у выніку трапляння БпЛА адбылося ўзгаранне ў 9‑павярховым жылым доме, з верхніх паверхаў было выратавана 13 чалавек, паведамляюць ратавальнікі.
Па іншым адрасе БпЛА трапіў у шаснаццаціпавярховік, у выніку чаго з 1 па 9 паверх выбіты вокны.
У выніку атакі пацярпелі 29 чалавек, з іх 7 дзяцей. Пацверджана смерць трох чалавек, паведамляе Кіеўская гарадская вайсковая адміністрацыя.