На трасе пад Мінскам адзін аўтамабіль урэзаўся ў другі, і той збіў насмерць свайго кіроўцу
У панядзелак каля 11:00 на 12‑м км дарогі Мінск — Дзяржынск каля Шчомысліцы 30‑гадовая кіроўца на Opel Astra ўрэзалася ў Ford Escape, які стаяў у другой паласе.
Ford Escape зламаўся, і 57‑гадовы кіроўца рамантаваў яго, паведамляе Міліцыя Міншчыны.
Пасля сутыкнення Ford Escape па інерцыі пакаціўся і здзейсніў наезд на ягонага ж кіроўцу. У выніку ДТЗ мужчына ад атрыманых траўмаў загінуў на месцы здарэння.
Кіроўца Opel Astra і яе 10‑гадовы пасажыр з атрыманымі цялеснымі пашкоджаннямі дастаўленыя для абследавання ў бальніцу.