Пад Кобрынам паставілі помнік чалавеку, які ніяк не звязаны з Беларуссю. Верагодна, гэта «адказ» Украіне
Нядаўна на памежнай заставе «Дзівін» (Кобрынскі раён) адкрылі помнік-бюст герою Савецкага Саюза, ураджэнцу Расіі Аляксею Лапаціну, які загінуў у 1941-м, піша Беларускі інстытут публічнай гісторыі.
Фота: Дзяржаўны памежны камітэт
Кіраўнік Дзяржпагранкамітэта Канстанцін Моластаў пры адкрыцці помніка заявіў:
«Мы сёння аднаўляем гістарычную справядлівасць, захоўваючы памяць пра легендарнага начальніка 13‑й заставы 90‑га Уладзімір-Валынскага атрада НКУС».
Сын памежніка Вячаслаў Лапацін выказаў падзяку Лукашэнку: у 2024‑м яго ўказам заставе на мяжы з Украінай было прысвоена імя Аляксея Лапаціна.
Верагодна, адкрыццё помніка стала своеасаблівым адказам Украіне. У 2022‑м брэсцкая абласная газета «Заря» пісала:
«Вуліцы Лапаціна ў Львове больш няма… Не існуе больш і згаданая імянная застава — перадыслакаваная на дзясяткі кіламетраў углыб Валынскай вобласці, цяпер вядомая пад назвай «Паўлавічы».
Пра тое, што праз беларускую мяжу ў 2022‑м расійскія войскі напалі на Украіну, сілавікі лічаць за лепшае не згадваць.
Чытайце таксама:
На Усходніх могілках адкрылі надмагільны помнік Змітраку Бядулю
У Расіі адкрылі помнік «Матаролу»
У цэнтры Гомеля расіяне паставяць помнік князю Паскевічу
У мінскім парку з'явіліся незвычайныя скульптуры з дрэва і металу ФОТЫ