Аўтобус Гродна — Варшава збіў насмерць веласіпедыста ў Свіслацкім раёне
Няшчасце здарылася незадоўга да апоўначы ў нядзелю, паведаміла Гродзенская абласная міліцыя.
67‑гадовы кіроўца аўтобуса МАЗ, які рухаўся па маршруце Гродна — Варшава, у аграгарадку Новы Двор збіў 60‑гадовага веласіпедыста, які рухаўся ў спадарожным напрамку.
Мужчына загінуў на месцы аварыі. На ім адсутнічалі святлоадбівальныя элементы.