Па «справе Гаюна» вынеслі жорсткі прысуд жыхару Ельска
Палітзняволенаму жыхару Ельска Віталю Каваленку прысудзілі тры гады пазбаўлення волі ў калоніі ўзмоцненага рэжыму. Яго затрымалі 13 траўня 2025 года і абвінавацілі па арт. 361‑4 Крымінальнага кодэкса (садзейнічанне экстрэмісцкай дзейнасці), даведалася «Гомельская вясна».
Віталь Каваленка
Крыніца «Гомельскай вясны» ў абласным судзе паведаміла, што днямі Віталю Каваленку вынеслі прысуд. Паводле частак 1 і 2 артыкула 361‑4 Крымінальнага кодэкса (садзейнічанне экстрэмісцкай дзейнасці) яму прысудзілі тры гады пазбаўлення волі з утрыманнем у калоніі ўзмоцненага рэжыму.
Пераслед Віталя Каваленкі звязаны са справай маніторынгавага канала «Беларускі Гаюн», які з 2022 года адсочваў дзеянні расійскай арміі на тэрыторыі Беларусі перад і падчас поўнамаштабнага ўварвання ва Украіну. У лютым 2025 года сілавікі атрымалі доступ да чата канала і асабістых даных людзей, што перадавалі інфармацыю. Пасля гэтага пачалася хваля масавых затрыманняў.
Чытайце таксама:
Былога следчага з Нясвіжа асудзілі за палітыку
Праваабаронцы: Ёсць 124 прозвішчы затрыманых па справе Гаюна
На Гомельшчыне за палітыку асудзілі двух прадпрымальнікаў
Маладую маці з Ліды, якая толькі што нарадзіла, асудзілі за палітыку