Уіткаф даедзе да Пуціна ў першай палове наступнага тыдня
Уладзімір Пуцін прыме спецпасланніка прэзідэнта ЗША Стыва Уіткафа ў першай палове наступнага тыдня, паведаміў прэс-сакратар прэзідэнта Расіі Дзмітрый Пяскоў.
Стыў Уіткаф заходзіць да Пуціна ў красавіку 2025 года. За ім ідуць расійскі спецпрадстаўнік Кірыл Дзмітрыеў і памочнік Пуціна Юрый Ушакоў. Фота: kremlin.ru
Дакладную дату ў Крамлі паабяцалі паведаміць «своечасова».
Задача Стыва Уіткафа — пераканаць Уладзіміра Пуціна прыняць мірны план прэзідэнта ЗША Дональда Трампа, які ў першапачатковым варыянце быў максімальна спрыяльным Расіі, але пасля быў значна падкарэктаваны. Пры гэтым праца над праектам плана суправаджалася вялікім скандалам, калі высветлілася, што першачарговы план фактычна пісаўся ў Крамлі пры поўным садзеянні Уіткафа.
Раней Пуцін не выказваў жадання прымаць які б то ні было мірны план і дэманстраваў намер працягваць вайну далей.
Чытайце таксама:
Ушакоў пра публікацыю сваіх размоваў: «Гэта ўсё вельмі незвычайна!..»
Трамп: План па Украіне скараціўся з 28 да 22 пунктаў
Апублікавана шакуючая праслухоўка перамоў спецпрадстаўніка Трампа і памочнікаў Пуціна. Што там?