У Беларусі выпусцілі гастранамічную карту краіны. Там ёсць не толькі дранікі
«Белкартаграфія» выпусціла турыстычную карту «Кулінарная спадчына Беларусі» для аматараў падарожжаў і смачных страў, піша Blizko.by.
На карце маштабам 1:850.000 размясціліся ўсе пункты, дзе можна паспытаць той ці іншы гастранамічны цуд. Выбар страў ўражвае — ад смажаных уюноў да чачохі і панцака з грыбамі.
У кожнай беларускай стравы з'явіўся свой рэгіён.
У брашуры таксама ёсць апісанне кулінарных традыцый па прыгатаванні тых ці іншых страў, а таксама поўны спіс святочных фуд-мерапрыемстваў у розных рэгіёнах Беларусі: ад «Гастрафэста» і LIDBEER да Дня агурка ў Шклове і Вішнёвага фэсту ў Глыбокім.
Каштуе навінка 14,82 рубля. Купіць яе можна на афіцыйным сайце або ў рознічнай краме прадпрыемства.