Гэты будынак у Баранавічах прадавалі за адну базавую, але цана на аўкцыёне скокнула да $40 тысяч
14 ахвотных змагаліся за права завалодаць будынкам.
На электронных таргах у Брэсцкай вобласці, арганізаваных абласным камітэтам дзяржаўнай маёмасці, будынак у Баранавічах плошчай 700 м² падаражэў амаль у 2800 разоў.
Яго былі гатовыя прадаць за адну базавую велічыню (42 рублі), але на аўкцыёне 14 удзельнікаў арганізавалі віртуальную бойку за будынак.
У выніку пераможца заплаціць 116 700 рублёў! Гэта больш за $40 тысяч.
Таргі сталі рэкорднымі ў 2025 годзе як па колькасці ўдзельнікаў, так і па росце кошту адносна пачатковай цаны.