Каля Мачу-Пікчу сутыкнуліся два турыстычныя цягнікі
На чыгунцы, якая вядзе да старажытнага горада Мачу-Пікчу ў Перу, адбылося лабавое сутыкненне двух турыстычных цягнікоў. У выніку яго загінуў як мінімум адзін чалавек, а 36 атрымалі траўмы, паведамляе Euronews.
Фота: x.com/cuscopost
Інцыдэнт здарыўся раніцай прыкладна на сярэдзіне маршруту. У выніку яго загінуў 61‑гадовы машыніст аднаго з цягнікоў. Сярод пацярпелых ёсць як перуанцы, так і замежныя турысты.
Фота: x.com/cuscopost
Аказанне медыцынскай дапамогі адбывалася на месцы здарэння, аднак эвакуацыя 1300 чалавек была ўскладненая з-за цяжкадаступнага рэльефу.
Прычыны трагедыі пакуль невядомыя.
Фота: x.com/cuscopost
Горад старажытных інкаў Мачу-Пікчу — галоўная турыстычная славутасць Перу, на якую штогод прыязджаюць каля паўтара мільёна чалавек. Большасць з іх дабіраюцца чыгункай да горада на вяршыні горы.
Чытайце таксама:
У Італіі каля ста чалавек захраслі на канатнай дарозе ў Альпах
Момант масавай аварыі пад Смалявічамі трапіў на ВІДЭА. Адзін чалавек загінуў