У Салечніках затрымалі беларуса з цыгарэтамі на 217 тысяч еўра
Мужчына спрабаваў увезці ў Літву больш амаль 42 тысячы пачак.
24 снежня на дарожным посце ў Салечніках затрымалі грамадзяніна Беларусі. Пры перасячэнні граніцы ён заявіў, што не вязе нічога забароненага і едзе на працу.
Аднак калі мытнікі праверылі машыну з дапамогай сістэмы рэнтгену, у столі, падлозе і сценах аўтамабіля была знойдзеная кантрабанда, піша LRT.
Усяго ў мікрааўтобусе знайшлі 41 900 пачак вырабленых у Беларусі цыгарэт «NZ Gold», кошт якіх складае больш за 217 тысяч еўра.
Аўтамабіль і нелегальныя тытунёвыя вырабы былі затрыманыя, распачата дасудовае расследаванне паводле факту кантрабанды. Кіроўцу прызначылі меру стрымання — канфіскацыю дакументаў і падпіску аб нявыездзе.