Самалёт з Мадура і яго жонкай прызямліўся ў Нью-Ёрку. Мадура вялі з мехам на галаве
На відэа трапіла, як былога прэзідэнта Венесуэлы выводзяць пад канвоем з самалёта.
Скрыншот CBS News
Самалёт з Нікаласам Мадура і яго жонкай Сіліяй Флорэс прызямліўся ў Нью-Ёрку, на авіябазе Нацыянальнай гвардыі Сцюарт. Іх выводзілі пад канвоем, больш за дзясятак федэральных агентаў. На галаву Мадура накінулі мех.
ЗША захапілі Мадура з яго жонкай 3 студзеня і вывезлі іх з Венесуэлы. Пару дасталі проста са спальні іх рэзідэнцыі. Спачатку іх вывезлі на верталёце, пасля пасадзілі на дэсантны верталётаносец USS Iwo Jima. Іх збіраюцца судзіць у ЗША.
63‑гадовы Нікалас Мадура ўзначальваў Венесуэлу з 2013 года. Захад не прызнаваў вынікі выбараў, згодна з якімі ён пераабіраўся на новыя тэрміны.
Чытайце таксама:
Трамп расказаў падрабязнасці захопу Мадура. Асноўнае
Трамп назіраў захоп Мадура ў жывым эфіры. «ЗША будуць вырашаць, хто будзе кіраваць Венесуэлай далей»