Вялікабрытанія і Францыя нанеслі супольны авіяўдар па аб'ектах «Ісламскай дзяржавы» ў Сірыі
У Мінабароны Вялікабрытаніі паведамілі, што знішчальнікі каралеўскіх ВПС далучыліся да французскіх самалётаў для нанясення сумеснага ўдару па падземным сховішчы зброі ў Сірыі, якое выкарыстоўвалася групоўкай «Ісламская дзяржава» (ІД).
Ілюстрацыйнае фота: брытанскі авіяносец «Куін Элізабэт». AP Photo/Ana Brigida, file
Згодна з заявай вайскоўцаў, сховішча знаходзілася ў гарах на поўнач ад Пальміры, паведамляе Бі-Бі-Сі.
У снежні амерыканскія вайскоўцы нанеслі ўдары па дзясятках аб'ектаў ІД у Сірыі ў адказ на напад баевікоў на сірыйска-амерыканскі патруль у Пальміры, у выніку чаго загінулі тры амерыканцы.
Паводле звестак ААН, ІД па-ранейшаму мае ад 5000 да 7000 баевікоў у Сірыі і Іраку.