Жыхар Гродна падманваў маркетплэйс, падмяняючы тавары
Малады чалавек заказваў на папулярным маркетплэйсе брэндавыя тавары і іх копіі, пасля чаго мяняў упакоўкі і вяртаў падробку замест арыгінала, паведамляе СК.
Затым ён прадаваў рэчы па зніжанай цане на іншых гандлёвых пляцоўках, выкарыстоўваючы акаўнт сябра для канспірацыі.
Агульная сума шкоды перавысіла 4 тысячы рублёў, частку ён ужо кампенсаваў.
Падчас папярэдняга следства падазраваны прызнаў віну, растлумачыўшы свае дзеянні недахопам грошай. Ён выбіраў тавары з істотнай розніцай у цане паміж арыгіналам і копіяй.