Лукашэнка хуценька далучыўся да трампаўскай Рады міру
Ён абавязаўся выконваць статут арганізацыі, аб чым падпісаў адпаведны дакумент.
Аляксандр Лукашэнка. Фота: Alexander Kazakov, Sputnik, Kremlin Pool Photo via AP
У паведамленні прэс-службы Лукашэнкі адзначаецца, што гэта робіцца «ў поўнай адпаведнасці з прадугледжанай працэдурай, якая была пазначаная ў лісце прэзідэнта ЗША Дональда Трампа».
«Мяне вабіць тое, што гэтая Рада міру, яе дзеянні, магчымасці могуць распаўсюдзіцца на іншыя часткі планеты», — заявіў Лукашэнка.
«Перш за ўсё, можа быць, і Украіне мы дапаможам, зможам наблізіць мір, зможам паўплываць на кіраўніцтва ўкраінскае. Вось гэта мяне больш за ўсё вабіць, а не тое, што мы ўжо моцна дапаможам Газе. Я ведаю свае магчымасці і магчымасці Беларусі», — прызнаўся ён.
Трамп паклікаў у Раду міру больш за 50 краін, у тым ліку і Расію.
Чытайце таксама:
Трамп збіраецца распаўсюдзіць працу Рады міру на ўсю планету
Зяленскі пракаментаваў запрашэнне Украіны ў Раду міру разам з Беларуссю і Расіяй
Трамп запрасіў у Раду па Газе 50 краін, у тым ліку Расію, Украіну, Кітай, Польшчу і Беларусь