У Давосе пачалася сустрэча Зяленскага і Трампа
Пра гэта паведаміў журналістам прэс-сакратар прэзідэнта Украіны Сяргей Нікіфараў.
Трамп перад сустрэчай з Зяленскім заявіў пра «набліжэнне» да мірнай дамовы.
Праходзячы міма журналістаў пасля заканчэння прадстаўлення Рады міру, прэзідэнт ЗША сказаў СМІ: «Сёння, як вы ведаеце, прэзідэнт [Зяленскі] і я будзем абмяркоўваць гэтае пытанне. [Уіткаф і Кушнер] сустрэнуцца з Пуціным сёння або заўтра, і я думаю, што яны набліжаюцца да дамовы. Шмат людзей гіне. Мы павінны гэта зрабіць», паведамляе РБК-Украіна.