Ва Уздзе быў пажар на абутковым прадпрыемстве
У райцэнтры Узда 27 студзеня загарэлася абутковае прадпрыемства. Паводле інфармацыі МНС, агонь узнік у адміністрацыйнай частцы цэха, дзе шыюць загатоўкі для абутку.
Скрыншот з відэа
Пажар удалося аператыўна ліквідаваць, пацярпелых няма. Ратавальнікі працягваюць праліваць і разбіраць канструкцыі будынка. На месцы здарэння задзейнічана сем адзінак тэхнікі МНС.
Апошнім часам у Беларусі пачасціліся пажары на вытворчых аб’ектах: напярэдадні надзвычайныя сітуацыі адбыліся на Бярозаўскай ДРЭС і на адным з прадпрыемстваў у Гомелі.