У Тамбоўскай вобласці дроны атакавалі машынабудаўнічы завод «Прагрэс», там робяць абсталяванне для ракет
Мэтай атакі ў ноч на 12 лютага стаў Мічурынскі завод «Прагрэс», які выпускае ў тым ліку абсталяванне для сістэм кіравання авіяцыйнай і ракетнай тэхнікі, піша ASTRA.
Мічурынскі завод «Прагрэс» — буйное прамысловае прадпрыемства, якое спецыялізуецца на высокатэхналагічным машынабудаванні, выпускае высокатэхналагічнае абсталяванне для сістэм кіравання авіяцыйнай і ракетнай тэхнікі, а таксама шырокі спектр электратэхнікі грамадзянскага прызначэння, абсталяванне для газа– і нафтаправодаў.
У непасрэднай блізкасці ад завода згарэў супермаркет «Магніт», таксама пашкоджаны мясцовы прамыслова-тэхналагічны каледж. Гэтую інфармацыю пацвердзіў губернатар. Паводле яго даных, пацярпелі 2 чалавекі.