Карткі літоўскай Paysera перасталі працаваць у Беларусі
Плацежныя карты літоўскага анлайн-банка Paysera з 11 лютага не працуюць у Беларусі. Інфармацыю ў чатах аб перасячэнні мяжы заўважыў Office Life.
Беларускія карыстальнікі карт Paysera атрымалі лісты ад банка аб тым, што транзакцыі па іх у нашай краіне «будуць беспаспяховымі».
— Карткі Paysera не могуць быць выкарыстаныя на тэрыторыі Беларусі (…). Гэтыя меры з'яўляюцца часткай мер Paysera па выкананні міжнародных санкцый, — гаворыцца ў паведамленні банка.
З даступных функцый засталася толькі магчымасць прагляду балансу ў банкаматах.
Дагэтуль Paysera была адзінай літоўскай фінансавай установай, карткамі якога можна было разлічвацца ў Беларусі.