Пачалі маштабную праверку маршрутных таксі
З 19 лютага Дзяржаўтаінспекцыя пачынае ў Беларусі маштабную праверку маршрутных таксі, паведаміла прэс-служба ведамства.
Здымак ілюстрацыйны. Фота: Lookby.media
Інспектары найперш звернуць увагу на тэхнічны стан транспарту: правераць спраўнасць аўтамабіляў і наяўнасць зімовых шын. Асобны акцэнт будзе зроблены на выкананні кіроўцамі Правіл дарожнага руху.
Таксама пад асаблівы кантроль трапіць выкананне правіл перавозкі пасажыраў — у тым ліку наяўнасць і выкарыстанне рамянёў бяспекі.
Для большай эфектыўнасці праверак плануецца выкарыстанне камер Рэспубліканскай сістэмы маніторынгу грамадскай бяспекі.
Паведамляецца, што службовыя асобы, якія дапусцяць парушэнні, будуць прыцягнутыя да адміністрацыйнай адказнасці. Мэта рэйдаў — павышэнне бяспекі пасажырскіх перавозак у маршрутках.
Чытайце таксама:
У Брэсце на некаторыя машыны сталі клеіць жоўтыя налепкі. Што яны азначаюць?
У Мінску затрымалі жанчыну за рулём з 3 праміле алкаголю ў крыві
У Мінску на ўчастку праспекта Пераможцаў забяруць адну паласу руху для будаўніцтва метро