У Мсціслаўскім раёне сямейная пара загінула праз пажар у суседняй кватэры
У кватэры, дзе не было агню, ратавальнікі знайшлі без прыкмет жыцця мужа і жонку.
Трагедыя здарылася ўчора раніцай у вёсцы Лютня. Ратавальнікаў выклікалі на пажар у кватэры двухпавярховага жылога дома.
На месцы ратавальнікі пабачылі задымленне ў кватэры на другім паверсе. Гаспадары жылля адсутнічалі.
На другім паверсе ў кватэры, дзе не было агню, ратавальнікі без прыкмет жыцця знайшлі 64‑гадовага мужчыну і яго 63‑гадовую жонку.
Што стала прычынай трагедыі, высвятляецца.