Лукашэнка анансаваў праверку «ўсіх людзей у пагонах» на прафпрыдатнасць
Аляксандр Лукашэнка заявіў, што ў бліжэйшы час усе супрацоўнікі сілавых ведамстваў пройдуць экзамен на прафесійную прыдатнасць. Паводле яго слоў, гэтая мера выклікана напружанай міжнароднай абстаноўкай.
Па словах Лукашэнкі, праверку павінны прайсці «ўсе людзі ў пагонах» без выключэння.
«Сітуацыя няпростая. Вы гэта адчуваеце. Я — тым больш, атрымліваючы шырокую інфармацыю аб сітуацыі вакол нашай краіны», — сказаў ён.
Таму, паводле яго слоў, у бліжэйшы час усе людзі ў пагонах будуць правераны і здадуць экзамен на прафесійную прыдатнасць.
«У нас дастаткова для гэтага сіл і сродкаў. Прашу гэта ўспрымаць як належнае», — сказаў Лукашэнка.