На літоўска-беларускай мяжы лісы хацелі абакрасці арлана-белахвоста ВІДЭА
Незвычайным эпізодам з жыцця прыроды падзяліліся літоўскія памежнікі.
На літоўскім баку мяжы, у Салечніцкім раёне, арлан-белахвост са здабычай прыцягнуў увагу двух лісаў. Здабыча, відаць, выглядала вельмі прывабна, аднак рыжыя драпежніцы дзейнічалі асцярожна і не адважыліся ўступаць у прамы канфлікт з буйнейшай і мацнейшай птушкай.
Асабліва актыўна паводзіўся адзін ліс: ён набліжаўся і адступаў, нібыта правяраючы, ці гатовы арлан падзяліцца ежай. Птушка ж упэўнена абараняла сваю здабычу і не давала падставы сумнявацца, каму яна належыць.
У выніку лісы пакінулі месца падзеі, а арлан спакойна працягнуў абед.
Чытайце таксама:
У Турцыі падчас футбольнага матча мяч трапіў у чайку. Але загінуць птушцы не далі
У Бабруйску каля «Белшыны» пасялілася сям'я курапатак ФОТАФАКТ