У Чэрвені пенсіянерка загінула, упаўшы ў адкрыты водаправодны калодзеж
Не вытрымала сэрца.
4 сакавіка каля 13:00 78‑гадовая жанчына з інваліднасцю па зроку правалілася ў калодзеж каля прыватнага дома на вуліцы Камарова ў Чэрвені.
Ратавальнікі дасталі яе, але да прыезду хуткай яна памерла. Папярэдняя прычына — спынілася сэрца.
Металічны люк на калодзежы адсутнічаў. Глыбіня збудавання — 2,2 метра, узровень вады — 1,4 метра.