Беларусь на другім месцы ў свеце па закупках расійскага мяса
Беларусь заняла другое месца сярод найбуйнейшых пакупнікоў расійскага мяса па выніках 2025 года. Паводле даных расійскага «Аграэкспарту», аб'ём беларускага імпарту склаў 433 мільёны даляраў, што на 50% больш, чым годам раней.
Здымак ілюстрацыйны. Фота: «Наша Ніва»
У цэлым экспарт мяса і харчовых мясных субпрадуктаў з Расіі перавысіў 2,2 мільярда даляраў, павялічыўшыся на 21% за год. У структуры паставак па 44% прыпала на мяса птушкі і свініну, яшчэ 12% — на ялавічыну. Асабліва заўважна выраслі пастаўкі свініны — на 41%, да 943 мільёнаў даляраў, а пастаўкі мяса птушкі дасягнулі 946 мільёнаў даляраў.
Найбуйнейшым пакупніком расійскага мяса застаецца Кітай з аб’ёмам 682 мільёны даляраў. На трэцім месцы знаходзіцца Саудаўская Аравія з паказчыкам 273 мільёны долараў. У пяцёрку таксама ўваходзяць В’етнам і Казахстан.
Чытайце таксама:
Беларусь апынулася на трэцім месцы па закупках ільнянога алею з Расіі