Падрабязнасці ДТЗ у Мінску: жанчыне стала дрэнна за рулём, яна збіла дзяўчынку
Сёння ў сеціве з'явіліся фотаздымкі ДТЗ у Мінску — каля Dana Mall BMW урэзалася ў агароджу і перакулілася. Цяпер ДАІ распавяло падрабязнасці.
Згодна з паведамленнем ДАІ, днём 12 сакавіка на праспекце Незалежнасці 35‑гадовая кіроўца BMW паварочвала на вуліцу Жасмінавую, але раптам страціла прытомнасць.
Некіраваная машына перасекла сустрэчную паласу, вылецела на пешаходную зону і збіла 11‑гадовую дзяўчынку. Пасля гэтага аўто ўрэзалася ў лесвіцу і перакулілася.
Школьніцу і кіроўцу забралі ў бальніцу.