Трамп дапускае, што Пуцін «крыху» дапамагае Ірану
Прэзідэнт ЗША Дональд Трамп заявіў у эфіры тэлеканала Fox News, што прэзідэнт Расіі Уладзімір Пуцін можа «крыху» дапамагаць Ірану ў канфлікце з ЗША і Ізраілем. Ён лічыць, што Пуцін, магчыма, такім чынам рэагуе на дапамогу, якую ЗША аказваюць Украіне.
Дональд Трамп. Фота: Chip Somodevilla / Getty Images
«Я думаю, ён, магчыма, дапамагае ім [Ірану] крыху, так, думаю […] І ён, верагодна, лічыць, што мы дапамагаем Украіне, так?», — адзначыў Трамп.
Амерыканскі лідар таксама параўнаў сітуацыю з Кітаем, кажучы, што ўсе бакі дзейнічаюць «па справядлівасці»: калі адна дзяржава дапамагае іншай, то і супрацьлеглая краіна рэагуе адпаведна.
Раней прэс-сакратар Крамля Дзмітрый Пяскоў заявіў, што Расія не атрымлівала ад Ірана ніякіх просьбаў аб дапамозе, у тым ліку вайсковай, і што пазіцыя Расіі застаецца нязменнай.
Чытайце таксама:
Зяленскі заклікаў Трампа для заканчэння вайны мацней ціснуць на Пуціна, а не на яго
Расія кансультуе Іран, як абыходзіцца з іранскімі дронамі
ЗША абмяжуюць паслабленне нафтавых санкцый супраць Расіі пастаўкамі ў Індыю