Выйшлі ўспаміны Івонкі Сурвілы пра вайну
У выдавецтве Połackija Łabirynty выйшла кніга ўспамінаў старшыні Рады БНР Івонкі Сурвілы з назвай «У восем гадоў я была на вайне», піша bellit.info.
Кніга «У восем гадоў я была на вайне» — гэта ўспаміны страху і болю, якія перажыла васьмігадовая дзяўчынка Івонка, пакідаючы Беларусь разам з сям’ёю ў 1944 годзе. Сёння Старшыня Рады БНР называе тыя дзесяць месяцаў найбольш небяспечнымі. Гэта гісторыя ўцёкаў паміж жыццём і смерцю, а таксама аповед пра бязмежную любоў бацькоў да сваіх дзяцей, якія разам перажываюць вайну.
Над перакладам кнігі працавалі Аляксей Федарэнка, Сяргей Падсасонны і Кшыштаф Жаброўскі.
Выхад кнігі прымеркаваны да 90‑х народзінаў Івонкі Сурвілы.
Кніга даступная для пакупкі на Allegro.