У Лідскім раёне завялася казуля-альбінос
У Лідскім раёне на відэа знялі рэдкую казулю-альбіноса. Пра незвычайную сустрэчу паведамілі ў Беларускім таварыстве паляўнічых і рыбаловаў.
Фота: t.me/rgooboor_ohota
Жывёліну з незвычайна светлай поўсцю заўважылі ў мясцовым лесе. Гэта не асобны від казулі, а вынік альбінізму — асаблівасці, пры якой у арганізме няма пігмента меланіну. З-за гэтага поўсць і скура становяцца вельмі светлымі.
Альбінізм сустракаецца і ў людзей, і ў жывёл, але адбываецца вельмі рэдка.
Паводле слоў відавочцаў, на відэа трапіў самец казулі.
Чытайце таксама:
Ва Уздзенскім раёне сама выйшла да людзей параненая казуля
Пад Мінскам мужчына выратаваў казулю, якая апынулася ў ледзяной вадзе ВІДЭА