Новы лідар Ірана адхіліў прапановы ЗША аб спыненні вайны
Падчас першай знешнепалітычнай нарады пазіцыя Хаменеі адносна адплаты ЗША і Ізраілю была «вельмі жорсткай і сур’ёзнай»
Маджтаба Хаменеі, які стаў новым вярхоўным лідарам Ірана пасля забойства яго бацькі Алі Хаменеі, адхіліў прапановы прымірэння з ЗША, перададзеныя Тэгерану праз дзве краіны-пасярэдніцы, паведамляе Reuters са спасылкай на высокапастаўленага іранскага чыноўніка.
Паводле слоў суразмоўцы агенцтва, падчас першай знешнепалітычнай нарады пазіцыя Хаменеі адносна адплаты ЗША і Ізраілю была «вельмі жорсткай і сур’ёзнай». Ён заявіў, што «не час для міру, пакуль ЗША і Ізраіль не будуць пастаўлены на калені, не прызнаюць паразу і не выплацяць кампенсацыю».
Ці прысутнічаў Хаменеі на гэтай нарадзе асабіста, не ўдакладняецца.