«Хачу хоць адзін прыпынак праехаць з вамі!» Студэнцкі хор выканаў у аўтобусе беларускую народную песню — людзі ў захапленні
У Мінскім дзяржаўным каледжы інавацыйных будаўнічых тэхналогій імя Івана Жыжаля ёсць хор «Братка беларус». Ансамбль спявае як папулярныя сучасныя песні, так і народныя.
Калектыў «Братка беларус» выконвае песні ў сталічным аўтобусе №32С. Скрыншот: відэа з тыктока @lubimtvorchestvo
Песня па-беларуску, імправізацыйна выкананая калектывам у аўтобусе 32С, сабрала рэкордную колькасць пазітыўнага фідбэку. У тыктоку відэа, дзе моладзь спявае «Як пайду я ў новую канюшню», ужо сабрала больш за 200 тысяч праглядаў і стос захопленых каментароў.
«Вялікі дзякуй за беларускую мову!».
«А дзе праходзіць такі выдатны маршрут? Хачу хоць адзін прыпынак праехаць з вамі».
«Падабайка, хлопцы! На роднай мове!».
«Ганаруся, што ў Беларусі ёсць такая моладзь!».
«Спадзяюся, вам вярнулі грошы за праезд і заплацілі за выступ!», — рэспектуюць маладзёнам у каментарах.
Удзельнікі хору зразумелі, што людзям падымае настрой такі фармат, і выклалі яшчэ адно відэа, на якім спяваюць у аўтобусе творчасць Андрэя Губіна, але падобны рэпертуар ужо сабраў у разы менш праглядаў.
Чытайце таксама:
Трэнд сярод беларускіх зумераў і міленіялаў: усё больш моладзі вяртаецца жыць да бацькоў