Пайшлі чуткі, што беларусам забаранілі збіраць бярозавік. Мінлясгас патлумачыў

У Міністэрстве лясной гаспадаркі заявілі, што інфармацыя пра нібыта забарону збору бярозавага соку для насельніцтва, якая пашыраецца ў сеціве, не адпавядае рэчаіснасці.

Здымак ілюстрацыйны. Фота: forestry.by

«Як і раней, у грамадзян ёсць права самастойна заняцца самазагатоўкай соку — гэта прапісана ў Лясным кодэксе Рэспублікі Беларусь. Для гэтага неабходна звярнуцца ў найбліжэйшае лясніцтва, дзе вам падкажуць участкі, прыдатныя для нарыхтоўкі, асаблівасці збору соку», — гаворыцца ў паведамленні.

Акрамя таго, гатовы бярозавік можна будзе набыць па даступных цэнах у спецыяльных гандлёвых пунктах, а таксама на тэрыторыі лясгасаў і лясніцтваў.

Каментары да артыкула