ВНУ сёлета прымуць 49 тысяч студэнтаў
Сёння ва ўніверсітэтах пройдуць дні адчыненых дзвярэй.
Установы вышэйшай адукацыі Беларусі сёлета прымуць каля 49,1 тыс. абітурыентаў. Пра гэта БелТА паведамілі ў прэс-службе Міністэрства адукацыі.
Пры гэтым на бюджэт плануюць прыняць каля 33,1 тыс. першакурснікаў.
Сярод іх 3,9 тыс. чалавек (11,8%) — будучыя педагогі, 3,7 тыс. (11,2%) — медыкі, 3,1 тыс. (9,4%) — аграрыі, амаль кожны чацвёрты, а гэта каля 7,7 тыс. (23,3%), — інжынеры.
Сёння ў ВНУ і каледжах краіны пройдзе адзіны дзень адчыненых дзвярэй.