Вось што засталося ад дома пад Гроднам пасля выбуху і пажару ВІДЭА
Міністэрства надзвычайных сітуацый паведаміла, што пажар у вёсцы Казіміроўка пад Гроднам удалося ліквідаваць. З апублікаваных відэа бачна, што чатырохкватэрны дом пацярпеў вельмі моцна, у некаторых месцах ад яго засталіся толькі руіны.
Скрыншот з відэа
Па папярэдніх даных, адбыўся выбух газава-паветранай сумесі з наступным гарэннем на першым і другім паверхах.
У выніку здарэння абваліліся перакрыцці і сцены ў кватэры на другім паверсе, пасля чаго пачалося гарэнне.
Скрыншот з відэа
Пацярпеў мужчына, якога шпіталізавалі. Таксама ў момант здарэння ў кватэры на ніжнім паверсе знаходзілася 12‑гадовая дзяўчынка. Яна не пацярпела.
Дзеянні пажарнікаў ускладняліся магчымасцю паўторнага абвалу канструкцый, высокай тэмпературай і густым дымам у кватэрах. Да ліквідацыі здарэння было прыцягнута 4 адзінкі тэхнікі МНС.
Скрыншот з відэа
Урэшце пажар быў ліквідаваны. Па факце здарэння прайшло пасяджэнне камісіі па надзвычайных сітуацыях пры Гродзенскім раённым выканаўчым камітэце.
Чытайце таксама:
«Там не моцна. Але дома не будзе ўжо». Стала вядома, што за выбух адбыўся ў вёсцы пад Гроднам
У вёсцы пад Гроднам адбыўся моцны выбух у чатырохкватэрным доме ВІДЭА