Сабаленка дасягнула рэкорднай сярод тэнісістак лічбы падпісчыкаў у сацсетках
Толькі ў інстаграме ў яе пяць мільёнаў падпісчыкаў.
Фота: Matthew Stockman/Getty Images
Першая ракетка свету, беларуская тэнісістка Арына Сабаленка, дасягнула рэкорднай сярод дзейных тэнісістак адзнакі па колькасці падпісчыкаў у інстаграме.
Пасля афармлення «Сонечнага дубля» (перамог на турнірах у Індыян-Уэлсе і Маямі) колькасць яе падпісчыкаў у гэтай сацсетцы ўжо перавысіла пяць мільёнаў.
За Сабаленкай па гэтым паказчыку ідуць Эма Радукану (Вялікабрытанія, 2,9 млн), Наомі Осака (Японія, 2,9 млн), Іга Свёнтак (Польшча, 2,3 млн).
Усяго з улікам іншых сацыяльных сетак у беларускай прымы цяпер амаль сем мільёнаў падпісчыкаў.
Арына Сабаленка з пачатку 2026 года выйграла тры турніры: у Брысбене, Індыян-Уэлсе і Маямі. Яна займае радок першай ракеткі свету амаль паўтара года, з 19 кастрычніка 2024 года.
У сусветным рэйтынгу яна захоўвае адрыў у 3000 балаў