У Светлагорску затрыманы два гандляры гераінам
23 чэрвеня Светлагорскім РАУС распачаты дзве крымінальныя справы па факце збыту наркотыкаў.
Як паведамілі ў прэс‑службе УУС Гомельскага аблвыканкама, 23 чэрвеня супрацоўнікі міліцыі затрымалі ў райцэнтры 44‑гадовую мясцовую жыхарку пры продажы 5 грамаў гераіну. Затрыманая змешчана ў ізалятар часовага ўтрымання.
Днём раней быў затрыманы 32‑гадовы жыхар Светлагорска, які збыў мясцоваму жыхару палімерны скрутак з парашкападобным рэчывам белага колеру. Паводле заключэння экспертызы, рэчыва з’яўляецца гераінам, яго маса — 2,43 грама.
Вядзецца следства.