Ля Смаргоні згарэла расійская фура
Кіроўца паспеў выскачыць з яе ў апошні момант.
Здарэнне адбылося 8 жніўня, каля восьмай ранку на ўездзе ў горад з боку Свіры.Полымя шуганула ў раёне паліўнага бака, які хвілін праз сем выбухнуў. Вадзіцель, на шчасце, паспеў спыніць палаючую машыну, а потым з яе выскачыў.
Фура была з расійскімі нумарамі. Пасля здарэння рух па трасе аднавіўся толькі хвілін праз сорак.