Памёр журналіст Эдуард Брокараў
У Горках пасьля працяглай хваробы (рак) памёр журналіст і грамадзкі дзеяч Эдуард Брокараў.
Да свайго пяцідзесяцігодзьдзя не дажыў два месяцы. Нарадзіўся ён 26 лютага 1961 года.
Эдуард Брокараў быў заснавальнікам і рэдактарам недзяржаўнай газэты "Ўзгорак". Актыўна выступаў супраць будаўніцтва ў Беларусі атамнай электрастанцыі. Кіраваў раённай суполкай партыі БНФ і руху "БНФ "Адраджэньне". Некалькі разоў балятаваўся ў райсавет і аблсавет.
Пахаваньне адбудзецца 31 сьнежня.