Радзіну затрымалі і папярэдзілі за каментар да Міхалевіча
Яна паспела паведаміць пра гэта калегам, пасля чаго сувязь перарвалася. Аб гэтым напісаў сайт charter97.org.
Пазней стала вядома, што Наталлю Радзіну адвезлі ў мясцовы РУУС, дзе ёй нагадалі правілы знаходжання пад падпіскай аб невыяздзе і заявілі, што яе каментар да заявы кандыдата ў прэзідэнты Алеся Міхалевіча можа з'яўляцца «разгалошваннем таямніцы следства». Журналістцы парэкамендавалі ўстрымацца ад падобных каментароў.
28 студзеня Радзіну выпусцілі з СІЗА КДБ пад падпіску пра нявыезд.