Палітвязень Дрозд не спадзяецца на датэрміновае вызваленне
Ён змірыўся, што правядзе ў калоніі тры гады.
Ён змірыўся, што правядзе ў калоніі тры гады.
Як паведаміла маці Змітра, сын напісаў ужо чатыры лісты пасля пераводу яго ў Бабруйск. Па яе словах, у калоніі яму лягчэй: выводзяць на свежае паветра, чаго не было ў ізалятары на Валадарскага. Зоя Дзмітрыеўна адзначыла, што сын ужо не мае спадзяванняў на датэрміновае вызваленне. І настрой у яго пазмрачнеў. Калі ў першых лістах Зміцер жартаваў нават, то цяпер не.
Гісторык-архівіст, аўтар кнігі «Землеўласнікі Мінскай губерні 1861-1900 гг. » асуджаны на тры гады за ўдзел у падзеях 19 снежня 2010 г. Яму можна напісаць ліст.
213800, Магілёўская вобласць, г. Бабруйск, вул. Сікорскага, 1. Папраўчая калонія №2.
У гэтай калоніі знаходзіцца Андрэй Пратасеня.