Аўтар хіта «Еду ў Магадан» падпісаў паштоўку беларускім палітвязням
«Прывітанне, сябры! Я хачу сказаць, што калі цяпер, у ХХІ стагоддзі, ды і наогул у прынцыпе, чалавек сядзіць з-за сваіх палітычных перакананняў, то гэта несправядліва. І ў сувязі з гэтым я падпісваю паштоўку і перадаю хлопцам, якія сядзяць у турме ў Беларусі сваё братэрскае прывітанне. Трымайцеся, хлопцы, бадзёрасці духу вам!»
Вася Абломаў (Васілій Ганчароў) — расійскі музыка і прадзюсар, лідар гурта «Чебоза». Аўтар такіх хітоў як «Еду ў Магадан» і «Хто хоча стаць міліцыянерам». На дадзены момант толькі кліп «Магадан» на youtube прагледзела больш за 2 мільёны чалавек.