Супраць Гумінскага не знайшлі доказаў
Крымінальная справа ў дачыненьні да актывіста незарэгістраванага "Маладога Фронту" спыненая.
Крымінальная справа ў дачыненьні да актывіста незарэгістраванай моладзевай арганізацыі «Малады Фронт» Сержука Гумінскага зачыненая праз адсутнасьць доказаў. Пра гэта яму паведамілі сёньня, 25 студзеня, у аршанскай міліцыі.
Нагадаем, што 12 студзеня яму прад’явілі афіцыйнае абвінавачаньне паводле арт. 314 «Псаваньне дзяржаўнай маёмасьці». Перад мясцовымі выбарамі малады чалавек быў зьбіты супрацоўнікамі міліцыі і адсядзеў трое сутак арышту.
Сяржук не зьбіраецца спыняць сваёй дзейнасьці і тлумачыць спыненьне крымінальнай справы грамадзкім розгаласам.