Рыхтуецца зборнік памяці Віталя Скалабана
Са згоды сям’і гісторыка і архівіста Віталя Скалабана выдавецтва «Лімарыус» плануе выдаць у 2012 годзе зборнік яго памяці.
Мяркуецца, што зборнік будзе складацца з двух аддзелаў: 1) успаміны пра Віталя Уладзіміравіча, 2) археаграфічныя публікацыі.
Мяркуецца, што ў другім аддзеле будуць надрукаваныя ў адпаведнасці з правіламі археаграфіі дакументы з гісторыі Беларусі, беларускай культуры і літаратуры, а таксама дакументы (лісты ды інш.) самога Віталя Уладзіміравіча.
Усе матэрыялы трэба накіроўваць або на электронны адрас выдавецтва"Лімарыус» (limarius@yandex.ru) з пазнакай «У зборнік памяці Віталя Скалабана» або на адрас zadubje01@gmail.com.
Тэрмін прадстаўлення тэкстаў — першая дэкада сакавіка.