У Стаўбцоўскім раёне павалілася воданапорная вежа
Ахвяраў няма.
У вёсцы Ператокі Стаўбцоўскага раёна 26 снежня павалілася воданапорная вежа. Як паведамляюць НН з месца здарэння,
вежа была дрэнна замацаваная і стаяла на гары.Яна была старой канструкцыі — вузкі корпус вышынёй 10–12 метраў і шырокая ёмістасць для вады наверсе. Відаць, да аварыі спрычыніўся моцны вецер.
Падаючы, вежа зламала плот і хляўчук на суседнім дачным участку.
Вада, якая хлынула з ёмістасці, змыла дровы дачнікаі разлілася па агародах вяскоўцаў. Ахвяраў, на шчасце, няма.
Вежу, якая спляскалася ад удару аб зямлю, парэзалі на кавалкі. Зараз камунальныя службы майструюць новую.