Ватыкан скапіяваў біяграфіі новых кардыналаў з Вікіпедыі
Ватыкан прызнаў, што кароткія біяграфіі 22 новых кардыналаў, разасланыя журналістам, былі скапіяваныя з Вікіпедыі.
Біяграфічныя даведкі пра новых кардыналаў амаль даслоўна паўтараюць артыкулы аб гэтых людзях, раней апублікаваныя ў італьянскай версіі Вікіпедыі.
Пра шматлікіх новых кардыналаў лаканічна казалася, што яны з’яўляюцца каталікамі, што выглядала досыць дзіўна, улічваючы, што гаворка ішла аб вышэйшых духоўных асобаў
Прадстаўнікі Ватыкана кажуць, што проста спрабавалі дапамагчы журналістам і папярэджвалі, што рассыланыя біяграфічныя даведкі не з’яўляюцца афіцыйнай інфармацыяй.