Актывіста Дашкевіча звольнілі з працы
Ён бараніў інтарэсы роднага горада.
Як паведаміла прэс-служба БХД, Дзянісу Дашкевічу з Рагачова не працягнулі кантракт. Ён працаваў у Раённым спажывецкім таварыстве.
«Сказалі, што за маю актыўнасць. Дадалі: «вы ж самі ўсё разумееце»,
— сказаў Дашкевіч.
Мужчына быў адным з ініцыятараў кампаніі па вяртанні фестывалю-кірмашу працаўнікоў вёскі «Дажынкі-2013» у Рагачоў. Права правесці свята, як стала вядома на мінулым тыдні, аддалі Гомелю.