Алесю Бяляцкаму далі спатканне з жонкай і сястрой
Жонка палітвязня Алеся Бяляцкага Наталля і сястра Вольга прывезлі ў Бабруйскую калонію № 1 перадачу для Алеся Бяляцкага, 30 кілаграмаў. Частку харчоў адмовіліся прымаць, напрыклад, кансервы.
Тым часам начальнік калоніі даў дазвол Наталлі і Вользе на кароткачасовае спатканне з Бяляцкім. Сёння яны пабачаць Алеся, — упершыню ў гэтай калоніі.
Бяляцкі знаходзіцца ў Бабруйскай калоніі ад канца лютага.