Лукашэнка павіншаваў кіраўніка «Хора Турэцкага» з 50-гадовым юбілеем

Аляксандр Лукашэнка павіншаваў народнага артыста Расійскай Федэрацыі Міхаіла Турэцкага з 50-гадовым юбілеем, паведамілі БелТА ў яго прэс-службе.

«Галоўным Вашым дасягненнем стала стварэнне арт-групы „Хор Турэцкага“. Гэты ўнікальны калектыў уражвае багаццем рэпертуару, шырынёй творчых магчымасцей, цудоўнымі галасамі, віртуозным майстэрствам артыстаў», — гаворыцца ў віншаванні.

«На беларускай зямлі Вас цэняць як чалавека вялікага таленту і найвышэйшай музычнай культуры, чыя творчасць яшчэ мацней збліжае нашы народы. Няхай і ў далейшым Ваша жыццё будзе напоўнена новымі поспехамі і яркімі адкрыццямі», — пажадаў Лукашэнка.

Каментары да артыкула